Rəhbərliyin müraciəti
Hörmətli müştərilər və tərəfdaşlar!
missiyamız Azərbaycanın mövcud nəqliyyat Dəhlizlərinin Bir Hissəsi OLMAQDIR.
Belə bir irimiqyaslı layihənin yaradılması Azərbaycan Respublikası rəhbərliyinin diqqəti, xüsusən də Azərbaycan Respublikasının Prezidenti cənab İlham Əliyevin ölkəmizin tranzit potensialının inkişafı istiqamətində apardığı uğurlu siyasət və eyni zamanda Azərbaycanın əlverişli biznes mühiti sayəsində mümkün olmuşdur. Biz bazarı ən qısa müddətdə yüksək keyfiyyətli xidmətlərlə təmin edib, onun gələcək inkişafı üçün etibarlı zəmin yarada bildik.
Fəaliyyət göstərdiyi illər ərzində AGT Cargo şirkəti nəinki nəzərdə tutulan iqtisadi nəticələrə nail olub, həm də yükgöndərənlərin yüksək ixtisaslı logistika xidmətlərinə bərabər çıxışını təmin etmişdir. Şirkətimiz ənənəvi marşrutlar üzrə daşımaları təmin etməklə yanaşı, yeni nəqliyyat dəhlizlərinin təşkili üzərində də ciddi işlərə başlamışdır. Rusiya, Qazaxıstan və bir sıra digər ölkələrdən Azərbaycana və Azərbaycan vasitəsilə üçüncü ölkələrə yüklərin ixracı üçün geniş infrastruktur imkanları yaradılmışdır.
Kollektivimizin gənc olmasına baxmayaraq, şöbələrimizin sıx əlaqəsi, eləcə də ritmik və əlaqələndirilmiş iş axını onu göstərdi ki, şirkətin komandası vahid mexanizm kimi inkişaf etmişdir və ən vacib problemləri həll etməyə qadirdir. İşçilərin qarşısına qoyulan ilkin məsələrdən biri isə bazarla daim əlaqədə olaraq, onun inkişafına töhfə verməkdir. Şirkətimizin prioriteti müştəri yönümlü xidmət göstərməkdir.
Təcrübəsi, fədakarlığı və bacarıqları davamlı irəliləyişimizin təminatı olan şirkətin səhmdarlarına və əməkdaşlarına təşəkkür etmək istəyirəm. Əminəm ki, gələcək mövsümlərdəki işimiz regiondakı yükgöndərənlərə istehsal həcmini artırmaq hədəflərinə diqqət yetirməyə imkan verəcək, eyni zamanda yüklərin vaxtında və sürətli çatdırılması bütün bazar iştirakçılarına maksimum mənfəət əldə etməyə imkan verəcək.